Веб Страна за Адвокат, Што Треба Да Содржи (И Зошто Е Важна)

Како треба да изгледа една веб страна за адвокат?

Кога некој денес бара адвокат, најчесто прво отвора Google и разгледува неколку различни адвокатски канцеларии. Во тие први неколку минути, луѓето многу брзо добиваат впечаток која канцеларија изгледа посериозно, поорганизирано и подоверливо.

Поради тоа, web страната денес има многу поголема улога отколку порано. Не се работи само за „да имате страна“, туку како таа изгледа, колку е јасна и колку лесно посетителот може да најде информации и да стапи во контакт.

Јасен почетен дел со конкретни информации

Една од најчестите грешки кај адвокатските web страни е тоа што почетната страна не кажува доволно јасно што работи канцеларијата.

Посетителот веднаш треба да види:

• во која област работите

• каде се наоѓате

• какви услуги нудите

• како може да ве контактира

Наместо општи реченици како:

„Добредојдовте на нашата web страна“

подобро е веднаш да стои нешто конкретно, на пример:

„Адвокатска канцеларија во Скопје за граѓанско, деловно и имотно право“

Така посетителот уште во првите секунди разбира дали сте вистинскиот избор за него.

Професионални фотографии создаваат поголема доверба

Многу адвокатски web страни сè уште користат генерички фотографии симнати од интернет. Проблемот е што таквите фотографии изгледаат неприродно и не оставаат сериозен впечаток.

Луѓето сакаат да видат:

• реална канцеларија

• реален тим

• реални фотографии од адвокатот

Професионалните фотографии прават канцеларијата да изгледа посериозно и подоверливо, особено кога некој ве гледа за првпат.

Добра верзија за телефон е многу важна

Поголем дел од посетителите денес ја отвораат web страната преку мобилен телефон. Ако страната е тешка за користење на телефон, многу луѓе брзо ја затвораат.

Најчести проблеми се:

1. премал текст

2. бавно отворање

3. копчиња што тешко се притискаат

4. нејасно мени

5. предолги текстови

Добрата mobile верзија треба да биде едноставна, брза и лесна за користење.

Секоја услуга треба да биде јасно објаснета

Наместо сите услуги да бидат ставени во еден долг текст, многу подобро е секоја област да биде одделена.

На пример:

• Граѓанско право

• Кривично право

• Работни спорови

• Имотно право

• Деловно право

На овој начин посетителот многу полесно наоѓа што му е потребно, а и самата страна изгледа поорганизирано.

Брзината на web страната остава впечаток

Бавните web страни прават канцеларијата да изгледа застарено и непрофесионално. Ако страната се отвора предолго, голем дел од луѓето продолжуваат на друга адвокатска канцеларија.

Најчесто проблемот доаѓа од:

• лош hosting

• преголеми слики

• непотребни додатоци

• стари системи

Модерната web страна треба да се отвора брзо и да работи без проблем на сите уреди.

Контактот треба да биде лесен

Многу адвокатски web страни го прават контактот непотребно комплициран. Ако посетителот мора долго да бара телефон или форма за контакт, шансите да ве контактира се помали.

Добро решение е:

• телефонот да биде видлив

• да има едноставна форма

• да има копче за брз контакт

• адресата и работното време да бидат јасно прикажани

Колку е полесно некој да ве контактира, толку е поголема шансата да стане клиент.

Зошто добрата web страна е важна за адвокатска канцеларија

Денес луѓето споредуваат повеќе адвокатски канцеларии online пред да донесат одлука. Во многу случаи, web страната е првиот впечаток што некој го добива за вашата работа.

Професионалната web страна помага:

• канцеларијата да изгледа посериозно

• луѓето полесно да добијат доверба

• посетителите побрзо да најдат информации

• повеќе луѓе да стапат во контакт

Затоа модерната web страна денес не е само „присуство на интернет“, туку важен дел од начинот на кој адвокатската канцеларија се претставува пред нови клиенти.